Ar tylli ki kari da chah ban ki ynne i janmiet heipor kamwa 7 waje nei oor khyndaw ha i thaw wa chna sarok ha Rngaiñ kawa em ha u sarokbah Pynursla-Dawki.
Katkam ka yutip wa da yoh da khana wa kawi toh ka kari Bolero wei kawi won toh ka kari Datsun Redi Go wei hapoh kani ka Datsun da em 2 ngut ki bru wa chong hapoh kari wei da suba wa da khlaad noh ki heitai i jia wei uwi na ki toh u waheh chnong ka Wah Lyngkhat.
Neiliang ka HANM Riwar Mihsngi Circle da pynbaad ki ha u bru wa kreh ya uni u sarok uwa da pynkreh yabor hanla da dep khang wow pynkreh heiwa da dooh noh yei mynisen kiwa lui-lui kiwa lai luti na uni u sarok.
Ka seiñ da dawa ko leh wa uni u bru wa pynkreh ya uni u sarok wow e u ya ka bai lutsan cha kiwa ha-yung kini kiwa khlaad.
Ka seiñ FKJGP Riwar Mihsngi Circle ha uni u bnai dadep ko wow ujor pyrchah ya ka Company ARSS Infrastructure Projects Limited kawa man kawi na ki Company wa pynkreh ya uni u sarok neidaw wa da kreh khalær iwa da booh hei maa ya kiwa chong chnong kiwa em cha wah kani ka sarok wa da tih pynheh katni.
Ka seiñ da ong ko wa i rukom tih leh toh iwa yoo maa kamjooh i rukom noh yei khyndaw wei da khuslai leh ya em i oor khyndaw.
Hadooh wa pynmih khubor dang pteiñ i tih da ki pooh chiloom yow sai ya ki bru.
