Ka RC Eve Secondary School Mihmyntdu kawa mihkhmat ya ka Meghalaya ha ka 61st Subroto Cup 2022 neibynta ki Sub Junior Boys (U-14) da yachem ko waka Gujarat ynne ha ka BR Ambedkar Stadium, Delhi heipor 3:00 waje i sngi.
Ha kani ka yalehke, ka Meghalaya da pynbaam ko ya ka Gujarat da 13-0.
Ya ki kool da thap da u Hamedayo Nongtdu uwa da thap 4 kool, u Givenson Suting 3 kool, u Samewon Khonglah 2 kool, u Richan Mi-O Lyngdoh 2 kool, u Dangkermi Oo Ryngkhlem 1 kool wa u Mar-Oo P. Shylla 1 kool.
Da ini i jop, ka Meghalaya da psiah ko cha ka Quarter Final kawa daw pynman ha kani ka 11 tarik wei dang yang ya kiwa jop mynstep yow tip wa kayi u yachem.
Daw yachem wa kiwa jop naka Pool D wa em ka Jharkhand, Tripura waka TAFS.
