theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Pynmih ka HC da ka Contempt Order pyrchah ya u Chief Secretary wym ye u khang yei tih mooyong

Ka Meghalaya High Court da chong bichaar biang ko ynnin ya ka mukotduma wa yatoh wa i tih mooyong pyrchah ya ka aiñ wei da pynmih ya ka hukum wym burom namo ka Rule of Contempt pyrchah ya u Chief Secretary ka jylla wa u Secretary ka Department of Mining neidaw wa tyngkheiñ ki ya ka hukum ka yung bichaar wa iwa da phah u leh katkam ka hukum wa da pynmih ha ka 25-08-22.

Ka yung bichaar da ong ko wa ym em ye kini wow lai chim yukheiñ hadooh katwon em u mooyong, ym em bien leh da ki sahep sorkar wow pynkrehkaam ya ka hukum wow khang yei tih mooyong hapoh ka jylla khlem da yoh License katkam ka aiñ.

Wei yeini da yoo phlet ha kylleiñ ka jylla kam ha Khliehriat wa kiwi ki thaw wa chajan wei da mih khubor dei langær. I yap hawa tih mooyong leh dang pteiñ i kamwa da jia ini wa dep ha West Khasi Hills.

Ka yung bichaar da ong ko wa ki bor District da yaleh ki wow murieh wei wow yah bakla wei ym em chimkhia ki wow khang yei tih mooyong. Deiwa kdaw wa ki tiar ki tar wa pynemkaam yow tih mooyong toh kiwa chynna najngai wei u mooyong wa dang dep tih leh toh uwa suk u tip uwon, uwa da pynhaap ha kiwa boon ki thaw ka jylla.

Da ong leh da em kiwa wanrah ya ka ujor yei chalan ya u mooyong uwa dang dep tih tangwa ki bor sorkar da leh ki kam kiwa thlah heiwa ka yung bichaar da ong ko kawi na kiwa da wan booh hakhmat yong ka toh ya u mooyong wa tih pyrchah ya ka aiñ hapoh ka jylla da pynyoo kam uwa da mih napoh Assam deiwa chna thok ya ki kot ki sla.

Neiliang ka sorkar da paan por ko 10 sngi yow pynkrehkaam ya ka hukum ka yung bichaar kamtæ ka yung bichaar da ksoh chwa ko ya kani ka hukum (Order of Contempt).

Ya ka mukotduma daw chong bichaar won ha ka 22-09-22.

Share this:
Previous

Ym ye u chalan ya u moochuni cha baar ri da ka Minor Mineral License: High Court  

Next

Subroto Cup 2022: 13 kool pynbaam ka Meghalaya ya ka Gujarat