Subroto Cup East Jaiñtia: Psiah Semi ka Lotus, Wapung, Byndihati waka Sham Sham

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa ynñiaw ynne deiwa pyndep ya ki yalehke Quarter Final kiwa soo tylli ki U-17 Boys.

Ka Lotus Secondary School da jop ko ya ka Little Star Seondary School da 1-0 da ka kool wa thap u Shemphang Ksih.

Ka Wapung Higher Secondary School da jop ko ya ka Divine Word Secondary School da 2-0 lyngba ki kool wa thap u Damepaia Byrloi ha ka minit wa 17 wa u Kerlang Khelphung ha ka minit wa 44.

Ka Byndihati Secondary School da jop ko ya ka Rymbai Presbyterian Higher Seconday School da 3-0 da ki kool wa thap u Firsterwell Marwein ha ka minit wa 12, u Mehunlang Shylla ha ka minit wa 26 wa u Riboklang Dkhar (OG) ha ka minit wa 33.

Related posts

Pynrem ka Sindhu ya ka World Champion wow rah ya ka Japan Open

July 19, 2026

Psiah Semi sa ka Kyllumlang, ka Nuksa wa ka Rympei Pip ha ka Veterans Football Tournament ha Wahiajer

July 18, 2026

Ka Sham Sham Secondary School da jop ko ya ka Khliehriat Higher Secondary School da 3-2 deiwa yachut Tie-Breaker hadien wym em wa yoh u thap kool.

Kamtæ da psiah Semi Final ka Lotus Secondary School, ka Wapung Higher Secondary School, ka Byndihati Secondary School waka Sham Sham Secondary School.