Ka District Level Inter School Subroto Mukherjee Cup Football Tournament 2023 yong ka West Jaiñtia Hills District da poi ko cha ka sngi wa soo ynne heiwa da pynman 6 tylli ki yalehke kiwa 5 tylli ki Under-14 Boys wa kawi ka Pre-Quarter ki Under-17 Boys.
Ha ka Under-14 da jop ka All Saints Diocesan Secondary School da 2-0.
Ka Riwar Jaiñtia C.O.G. Secondary School da jop ko yaka Seiñraij Higher Secondary School da 4-3 deiwa yachut Tie-Breaker.
Ka Laishnong Higher Secondary School, Nongbareh da jop ko yaka Ladthadlaboh Secondary School da 8-0.
Ka Ummulong Presbyterian Higher Secondary School da jop ko yaka Jaiñtia Higher Secondary School da 6-0.
Ka Lumpyrtuh Secondary School da jop ko yaka Rising Hills English School, Mowtyrchiah da 3-2.
Ha ka Under-17 da jop da Ka Syiem Jingsuk Secondary School da 3-1 yaka Little Flowe Higher Secondary School, Ummulong yow psiah Quarter Final.
Ki yalehke wa bood daw pynman ha ka 26 tarik 6 tylli kiwa waroh yong ki Under-17 Boys kiwa man leh ki yakhun Pre-Quarter Final heiwa ka Jowai Presbyterian HS School daw yachem ko waka Sawlyngdoh HS School, ka Mang Hai Ryum Secondary School daw yachem ko waka Marian Hill HS School, ka Govt Boys HS School daw yachem ko waka RC Eve Secondary School, ka HK Singh Memorial Secondary School daw yachem ko waka Jowai District Presbyterian Secondary School, ka Achiever’s Secondary School daw yachem ko waka Ummulong Presbyterian HS School katwa ka Laishnong HS School daw yachem ko waka Nartiang Presbyterian HS School.
