Ka H.K. Singh Memorial Secondary School kawa mihkhmat ya ka Meghalaya cha ka 62nd Subroto Cup 2023 International Football Tournament ha ka U-14 Sub Junior Boys da rem noh ko ynne ha ka yakhun Quarter Final kawa da pynman ha Bengaluru pyrchah ya ka Mizoram kawa da mihkhmat da ka Chawngfianga Middle School, Saidan, Kolasib, Mizoram.
Ka Mizoram da jop ko da 1-0 da ka kool wa thap ha ka minit wa 16 ka kylla step.
Ka yalehke da man ko kawa yoosuk bha heiwa waroh arliang da pynyoo ki yei sap yong ki tangwa kiwa yalehke ka Mizoram da rap pliah ki wow pynlai bol wei da yoh laad ki leh kattu katni sien wow thap kool khamtam kawi kawa toh u thap suk tangwa da toh noh ha u dieñ kool ka Meghalaya.
Kiwa yalehke ka Meghalaya da pyrchang ki katwa ye hadooh ka minit wa khaddooh wow su kylliang ya ka kool ka Mizoram tangwa ym em yoh laad ki da kawa toh rukum.
Kiwa yalehke ka Meghalaya dei joo umkhmat da mih ki na madan deiwa tawah kiwa yalehke ka Mizoram yow pynchngaaiñ ya ki.
Ha kiwi won ki yalehke Quarter kiwa da pyndep ynne hi ka sngi, ka West Bengal da jop ko yaka Sikkim da 2-0, ka CISE da jop ko yaka Kerala da 1-0 katwa ka Assam da jop ko yaka Chandigarh da 9-0.
Discussion about this post