Jowai: Ki paidbah wa da yooluti wow yoh noh u pynemkaam ya ka yingkieñ Kureliya kawa da sah khlem pyndep da boon snem da sdang ki u ood wa u contractor wa pynkreh ya ka katni man u uwa suki bha hei kreh yong oo.
U contractor wa katni toh uwa chimkti na u contractor warim heiwa ki paidbah da yooluti ki wa kattu ym slem de da pyndep ya ka neidaw wa ym em de i pynwit neilaing ka Assam. Katkam i rukom kreh katni, ki paidbah da ong ki wa yoosar dang slem u ye u pyndep ya ka.
Neiliang ki paidbah da kyntu ki ya ka tnat PWD West Jaiñtia Hills wa ya u Contractor uwa pynkreh ya ka yingkieñ yow wanrah rap boon ki wakreh ym du u wi næ ar ngut kiwa man kam ki wa yang sonteri (chowkidar) donhi wa yang tiar yow ye u pyndep smat ya kani ka yingkieñ yow yoh noh u pynemkaam ki paidbah.
Neiliang kiwa kreh ka PWD da pyntip ki wa i kreh katni sah i neidaw wa man i bneiñ wei hiar u slap kamni wei sah sadu i wow dung khyndaw-bilat donhi.
Discussion about this post