Super Division Amlarem: Jop ka Seinbhalang Shkentalang yaka YC Pdengkarong

Ka Super Division ka Amlarem Sub-Divisional Sports Association da poi ko cha ka sngi wa arphaw-ynru ynne da ka yalehke hapyrdi ka Seinbhalang Shkentalang waka Youth Club Pdengkarong.

Ha kani ka yalehke, ka Seinbhalang Shkentalang da jop ko da 1-0 lyngba ka kool wa thap u Abul Sabar haka minit wa 56.

Ka yalehke wa bood u pynman mynstep hapyrdi ka Man-I-Bha SC waka Umladkhur SC heipor 2:00 waje i sngi kawa man leh ka yalehke wa khaddooh chwa u sdang ka Semi Final.

Ha kiwon ki yalehke ka Amlarem Sub-Divisional Sports Association, haka kyrdan Lower Division da pyndep ynnin ya ki yalehke Semi Final heiwa ka YFC Trangblang da jop ko yaka Amlanai TC da 9-8 deiwa yachut Tie-Breaker.

Related posts

Yoh ka Pipilmoris Wanniang wow man kam ka Category 5 National Football Referee

July 21, 2026

Pynrem ka Sindhu ya ka World Champion wow rah ya ka Japan Open

July 19, 2026

Ha ka Semi Final wa ar, ka Namrhyen Ryntih Kudengrim da jop ko yaka SS Shnongpdeng da ka 1-0 da ka kool wa thap u Maitshaphrang Talang haka minit 50.

Kamtæ ka Final u pynman haka 15 tarik hapyrdi ka Trangblang waka Namrhen Ryntih Kudengrim.

Ha ka Upper Division kawa da pynman ynne ka sngi, da sdang ya ka Semi Final hapyrdi ka Sohlawait SC waka Lumpynngad SC kawa da kut da 0-0 hadooh wa kut i por, kamtæ da pynman da ka yachut Tie-Breaker heiwa ka Lumpynngad da jop ko da 5-4.

Ka Semi Final wa ar u pynman mynstep hapyrdi ka Pambtuh SC waka Syndai Kmai Shnong heipor 12:00 waje pyrdi sngi.