Super Division EJHDFA: Jop ka Dhana ya ka R. Iawpynsing, khlem em wa jop hapyrdi ka Khliehriat West wa ka Sutnga

Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4^th Kyrmen Shylla Contribution Trophy dapoi ko cha ka sngi wa khynde ynne deiwa pynman ar tylli ki yalehke.

Ka yalehke wa nyngkong da kut ko da 2-2 hapyrdi ka Sutnga SSCC wa ka Khliehriat West YWSC.

Ka Sutnga da yoh ko wow thap chwa u kut ka yalehke lyngba u Neesta Feeco Bamon ha ka minit wa 90+2 wa u Deligent Pdang ha ka minit wa 90+3 katwa ya ka Khliehriat West da thap da u Moneshwar Mohela ha ka minit wa 12 wa 45+1.

Ha ka yalehke wa ar, ka R. Iawpynsing SC da rem ko da 1-2 Dhana ha ka CSC.

Ya ka R. Iawpynsing da thap da u Sumar Bareh ha ka minit wa 52 katwa ya ka Dhana da thap da u Nidapynio Dkhar ha ka mint wa 31 wa u Phon Khaii ha ka minit wa 90.

Related posts

Sdang ka 2nd Maruti Ball Cricket Tournament ka Nongtalang United Welfare Organisation

February 17, 2026

Rah ka DERS FT yei naam Champion ka 4th Umsyngki Tournament ha Bataw deilang ka song poisa Rs.2 lak

February 16, 2026

Ki yalehke wa bood u pynman mynstep ar tylli:

Ladrymbai-B SC Vs Chiehruphi SYWSC (11:45 AM)

R. Shkenshynriah SC Vs Thangskai Tiger SC (2:15 PM)