Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy dapoi ko cha ka sngi wa 13 ynne deiwa pynman ar tylli ki yalehke.
Ha ka yalehke wa nyngkong, ka R. Iawpynsing SC da rem ko da 0-1 ha ka Ladrymbai-B SC da ka kool wa thap u Rimetre Lyngdoh ha ka minit wa 45.
Ha ka yalehke wa ar, ka Khliehriat West YWSC da rem ko da 0-4 ha ka Thangskai Tiger SC da ki kool wa thap u Pynthymme Rymbai ha ka minit wa 9 wa 57 (P), u Pher Syrti ha ka minit wa 36 wa u Longprem Dera ha ka minit wa 74.
Da ini i rem, ka R. Iawpynsing SC da hiar ko cha ka 1st Division ha ka aiom yalehke wow wan.
Ka Thangskai Tiger da pteiñ ko wow yoh nyngkong deiwa kamai 15 Point kattu.
Ki yalehke wa bood u pynman mynstep ar tylli:
Dhana SC Vs Chiehruphi SYWSC (11:45 AM)
Sutnga SSCC Vs R. Shkenshynriah SC (2:15 PM)
Discussion about this post