Ka Super Division ka East Jaiñtia Hills District Football Association (EJHDFA) kawa tip leh kam ka 3rd Kyrmen Shylla Contribution Trophy dapoi ko cha ka sngi wa khad-le ynne da ar tylli ki yalehke.
Ha ka yalehke wa nyngkong, ka Rymbai Shkenshynriah SC da jop ko da 2-0 yaka Khliehriat West YWSC da ki kool wa thap u Rumi Lyngdoh haka minit wa 41 wa u Vicky Dkhar haka minit wa 64.
Ha ka yalehke wa ar, ka Moolamanoh SC da jop ko da 3-0 yaka Rymbai Wahchnong SC da ki kool wa thap u Lakhon Surong haka minit wa 56 (Penalty), u Kiming Dkhar haka minit wa 86 wa u Eriston Dkhar haka minit wa 90+1.
Da kini ki yalehke, waroh ki 8 tylli ki liang da dep ki wow yalehke mar 6 sien heiwa ka Sutnga SSCC da yoh boon Point dooh ko da 16 Point, hei war ar ka Rymbai Shkenshynriah SC da 14 Point, hei wa le ka Dhana SC da 8 Point. Ya ka Points Table ye phi wow yoo ha wah.
Ki yalehke wa khaddooh chwa wow poi cha ka Semi Final u pyndep waroh soo tylli haka 6 tarik heiwa ka Dhana SC u yachem ko waka Rymbai Shkenshynriah SC, ka Rymbai Wahchnong u yachem ko waka Thangskai Tiger SC, ka Rymbai Iawpynsing u yachem ko waka Moolamanoh katwa ka Sutnga SSCC u yachem ko waka Khliehriat West YWSC.
Discussion about this post