Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ da poi ko cha ka sngi wa soo ynne da ar tylli ki yalehke.
Ha ka yalehe wa nyngkong ka 7 Wasa da jop ko ya ka Sailung Ialong da 4-0 lyngba ki kool wa thap u Niewkor Sana ha ka minit wa 60, u Teiborlang Malang ha ka minit wa 72 wa u Jeff K Rymbai ha ka minit wa 84 wa 90.
Ha ka yalehke wa ar, ka Ladthadlaboh da jop ko ya ka Mukhla Raij da 2-0 da ki kool wa thap u Promise Suting ha ka minit wa 39 wa u Dowell John Shylla ha ka minit wa 79.
Ka yalehke wa bood u pynman ha ka 11 tarik hapyrdi ka Shangpung Lumiawmuchai wa Wahiajer heipor 11:00 waje i step.
Discussion about this post