Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ ynne da pynman ya ka Semi Final wa ar kawa tip kam ka Eliminator.
Ha kani ka yakhun Semi, ka 7 Wasa da yachem ko yaka Nangbah Mulang heiwa ka 7 Wasa da jop ko da 1-0 da ka kool wa thap u Niponghi Sumer haka minit wa 38.
Ini mut i wa ha ka Semi Final wa le daw yachem ka 7 Wasa waka Sailung Ialong haka 9 tarik heipor 1:00 waje i sngi.
Kam wow pynkynmoo wa ka Sailung Ialong ynnin da rem ko haka Ladthadlaboh haka yakhun Semi wa nyngong wei kattu kiwa jop hapyrdi ka 7 Wasa waka Sailung Ialong u yoh ki wow psiah cha ka Final.
Discussion about this post