Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka yalehke wa khadkhynde.
Ka yalehke wa da pynman ynne ka sngi toh hapyrdi ka 7Wasa waka Sohmynting kawa da jop da ka 7Wasa da 4-0.
Ya ki kool da thap da u Dashngain Sukhlain ha ka minit wa 1 wa 15, u Burom Salahe ha ka minit wa 58 wa u Dreamson Suchiang ha ka minit wa 72.
Da ini i jop, ka 7Wasa da yoh nyngkong ko deiwa yoh 15 Point na ki 5 tylli ki yalehke wei ym pu em rem ko.
Hei wa ar da em ka Ladthadlaboh kawa yoh 10 Point na ki 5 tylli ki yalehke wei da pynbood hei wa le da ka Mynthong kawa yoh 7 Point na ki 5 tylli ki yalehke.
Ka yalehke u pteiñ biang mynstep hapyrdi ka Khimusniang waka Nangbah Mulang heipor 3:00 waje i sngi.
