Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ da poi ko cha ka sngi wa 14 ynne deiwa pynman ar tylli ki yalehke.
Ka yalehke wa nyngkong da kut ko da 0-0 hapyrdi ka Mukhla Raij wa Shangpung Lumiawmuchai.
Ha ka yalehke wa ar, ka Demthring da jop ko ya ka 7 Wasa da 2-0 da ki kool wa thap u Wadshwa Lato ha ka minit wa 65 wa u Marshial Nongrum ha ka minit wa 90+1.
Ki yalehke wa bood u pynman mystep ar tylli kiwa man leh ki yalehke wa khaddooh chwa u poi syndon cha ka Semi Final:
Nangbah Mulang Vs Sailung Ialong (11:00 AM)
Wahiajer Vs Ladthadlaboh (2:00 PM)
Discussion about this post