Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa soo ynne.
Ka yalehke wa da pynman toh hapyrdi ka Khimusniang waka Lumiawmuchai Shangpung heiwa ka Khimusniang da jop ko da 2-1.
Ka Khimusniang da yoh ko wow thap kool nyngkong ha ka minit wa 15 lyngba u Balajied Sympli tangwa ka Lumiawmuchai da yoh ko wow su kylliang ha ka minit wa 45+2 kawa da neh hadooh wa kut ka kylla step. Ka Khimusniang da yoh ko wow pynjop ha ka minit wa 73 lynga u Precious Tang.
Mynstep ym em yalehke ka Super Division neidaw wa daw pyman ya ka Final ka 2nd Division hapyrdi ka Khliehiongriang waka Mookyndur heipor 1:00 sngi heiwa ki yakhun Super Division daw pteiñ won ha ka 22 tarik hapyrdi ka Nangbah Mulang waka Mynthong heipor 3:00 waje i sngi.
