Super Division: Jop ka Sailung Ialong yaka Mynthong

Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa ynñiaw ynne deiwa pynman ka wi ka yalehke.

Ka yalehke wa da pynman toh hapyrdi ka Sailung Ialong waka Mynthong heiwa ka Sialung da jop ko 2-0 da ki kool wa thap da u Bachan Pale haka minit wa 51 wa 90.

Ka Mynthong kattu da rem ko la ar sien katwa ka Sailung won da jop ko chi sien wei da rem ko ar sien na ki ar tylli ki yalehke.

Ka yalehke wa bood u pynman mynstep hapyrdi ka Ladthadlaboh waka Nangbah Mulang heipor 2:00 waje i sngi.