Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa khad-san ynne deiwa pynman ka wi ka yalehke.
Ka yalehke wa da pynman toh hapyrdi ka Shangpung Lumiawmuchai waka Mynthong heiwa ka Lumiawmuchai da jop ko da 3-1.
Ka Shangpung Lumiawmuchai da yoh ko wow thap nyngkong haka minit wa 19 lyngba u Bantei Iakai kawa ym em da neh slem heiwa u Riyanki Shylla da su kylliang u yaka Mynthong haka minit wa 34 kawa da pynkut yaka kylla step da 1-1.
Ha ka kylla miet, u Eliser Suiam da pyntikna u yei jop yaka Lumiawmuchai deiwa thap arsien haka minit wa 88 wa 90.
Ka Mynthong kattu da rem ko soo sien na soo tylli ki yalehke katwa ka Shangpung Lumiawmuchai da rem ko ar sien wei da jop ko ar sien.
Ka yalehke wa bood u pynman mynstep hapyrdi ka Ladthadlaboh waka Khimusniang heipor 1:30 i sngi.
Discussion about this post