Ka Super Division 2024 ka West Jaiñtia District Sports Association (WJDSA) kawa tip leh kam ka ‘U Kiang Nangbah Memorial Trophy’ da poi ko cha ka sngi wa soo deiwa pynman kawi ka yalehke.
Ha ka yalehke wa da pynman, ka Wahiajer da jop ko ya ka Shangpung Lumiawmuchai da 4-1.
Ya ka Wahiajer da thap da u Riburom Jat ha ka minit wa 43, u Nicky O Chwa Pakma ha ka minit wa 60, u Cleverson Lyngdoh ha ka minit wa 77 wa u Heimomi Dkhar ha ka minit wa 90+1 katwa ya ka Shangpung Lumiawmuchai da thap da u Pynshrainmi S Mannar ha ka minit wa 14.
Ka yalehke mynstep leh u pynman kawi donhi hapyrdi ka Sailung Ialong wa ka Mukhla Raij heipor 11:00 waje i step.
Discussion about this post