Ka Super Division ka West Jaiñtia Hills District Sport Association (WJDSA) kawa tip leh kam ka ‘U Kiang Nangbah Memorial Trophy 2023’ da poi ko cha ka sngi wa ynru ynne deiwa pynman ka wi ka yalehke.
Ka yalehke toh kawa da pynman hapyrdi ka 7 Wasa United waka Khimusniang kawa da kut da 1-1.
Ka Khimusniang da yoh ko wow thap kool mar ya sdang ka yalehke ha ka minit wa 6 lyngba u Lastborn Suting kawa da neh hadooh wa kut ka kylla step.
Ka 7 Wasa da ye ko wow su kylliang ha ka minit wa 72 lyngba u Samehi Ryngki wei ini da man ar sien na ki ar tylli ki yalehke ka 7 Wasa wa da kut khlem em wa jop.
Ka yalehke wa bood u pynman mynstep hapyrdi ka Mynthong waka Sailung Ialong heipor 2:00 waje i sngi.
Discussion about this post