Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa khadsoo ynne.
Ka yalehke wa da pynman ynne toh hapyrdi ka Khimusniang waka Sohmynting kawa da kut da 2-2.
Ka Sohmynting da yoh ko wow thap nyngkong ha ka minit wa 41 lyngba u Rigal Pyrtuh tangwa ka Khimusniang pyn ha ka minit wa bood da su kylliang ko lyngba u Donbok Bamon wei da kut ka kylla step da 1-1.
Ka Sohmynting da pyntam biang ko chi kool ha ka minit wa 51 lyngba u Kitbok Suting iwa da su kylliang biang da ka Khimusniang ha ka minit wa 77 iwa da pynkut ya ka yalehke da 2-2.
Ka yalehke u pynbood mynstep hapyrdi ka Nangbah Mulang waka Ladthadlaboh heipor 3:00 waje i sngi.
