Ka Super League ka Saipung Block Sports Association (SBSA) da poi ko cha ka sngi wa ynru ynne deiwa pynman ar tylli ki yalehke.
Ha ka yalehke wa nyngkong ka Lakasein SC da jop ko yaka Jarain SC da 2-0 da ki kool wa thap da u Edamon Palem haka minit wa 66 wa 78.
Ha ka yalehke wa ar, ka Jalaphet Bri Sumer SC da jop ko yaka Latyrke SC da 3-2.
Ya ka Jalaphet Bri Sumer da thap da u Plidar Dkhar haka minit wa 28, u Ioanis Chyrmang haka minit wa 65 wa u Bing Chyrmang haka minit wa 82 katwa ya ka Latyrke da thap da u Bankyrshan Syiemlieh haka minit wa 34 wa u Iaisnoh Dkhar haka minit wa 70.
Ki yalehke wa bood u pynman ha ka 2 tarik hapyrdi ka Mynthning SC waka Narwan SC heipor 11:30 i step wei daw pynbood da ka Jalaphet Bri Sumer SC waka Mulait United FC heipor 1:30 i sngi.
Discussion about this post