U Producer uwa man leh heijooh i por u Director yong ka phlim 9-Lad u Commander Shangpliang da su T.1 lak ya ka Actress, ka Wanri Pyngrope kawa ak ha ka phlim 9-Lad kawa man ka phlim Khasi kawa pawnaam.
Ka Wanri Pyngrope da yoh rah ko leh yei naam Best Actress ha ka Prag Cine Award lyngba ka phlim 9-Lad kawa dep pynman ha u Thohlakhmi (Feb) ha uni u snem.
U Commander Shangpliang da khana u wa i su T. 1 lak ya ka Wanri Pyngrope toh kam i dak wow pynyoo yei burom yei sap yong ka wow ak bha ya i bynta yong ka Actress iwa man i daw wa khriñ ya kiwa boon ki paidbah wa wan paitke.
U Commander Shangpliang uwa man leh u President yong ka seiñ kiwa chna phlim ka Meghalaya Film Makers Association (MeFilMA) da pynsñiaw u yei kyrmen wa ka karkhana chna phlim ha ka jylla daw nang ku ko chakhmat.
