January 25, 2023
Ki pulit ka South West Garo Hills ynnin ka 25 tarik da yoh ki wow kem poisa kawa chongdor T. 10,03,500 na ar tylli ki thaw.
Yeini i kem poisa da leh da ki Flying Squad kiwa da booh kam chibynta wow pynkrehkaam ya ka Model Code of Conduct kawa da khang ya ki bru wow rah ki palat T. 50,000 ka poisa.
Kini kiwa chah kem toh kawi heipor 2:00 waje i sngi wa kawi won heipor 2:30 i sngi wei kini waroh ym ye ki wow pynyoo ya ki kot ki sla neiwon wanrah ki ya kani ka poisa.
Ya ki daw wa da e kini kiwa chah kem dang takit wei dang pynsakhiat.
Ki pulit ha kylleiñ ki District leh da pteiñ ki yei kynreh kari kamjooh i kem kiad heiwa ha East Khasi Hills ha ka 23 tarik da yoh wow kem 50.92 liter i kiad pharæng, 52.0 litre i kiad lieh wa 2.346 kg u bhang. Wei ha ka sngi chwa ini da yoh wow kem 180.735 litre i kiad pharæng, 133 litre i kiad lieh, 67.6 litre i Beer wa 1.5 kg u bhang. Ha East Khasi Hills i kem kiad da jia i man-ka-sngi nadooh wa pynbna ya ka Model Code of Conduct.
Ha ka 23 tarik, ki pulit ka Mawkyrwat Police Station deilang wa ki pulit ka Mawkyrwat Women Police Station da kem ki 105 tylli ki klong kiad na ki ar ngut ki kynthai ha chnong Ladjynrai, South West Khasi Hills District.
