Shillong: U montri rangbah ka jylla, u Conrad Sangma ynne da embynta u ha ka sngi pynkut ya ka Stake Holders’ Workshop on Piggery and Poultry Value Chain namo ka esikai hajrong ka kaam psan sniang psan syiar ha ka yalang wa pynman ha State Convention Centre, Shillong.
Hawa e yei klam ha kani ka sngi da ong u wa ka sorkar jylla kheiñkor bha ko wow pynku ya ki kaam ka khayi pateiñ ki warep wei da yaleh wow thooh ya ki laad yarap neibynta yong ki deiwa pynman ya ki esikai, i chna ya ki thaw rep wa kiwi kiwi ha kylleiñ ka jylla.
Da ong u wa ha ka thaaiñ mihsngi baam ko hadooh 3.1 lak Metric Tonne i dohsniang tangwa i doh wa em ha yaaw (supply) won em i du 1.2 Metric Tonne iwa man i duna 1.9 lak Metric tonne. Da ong u leh wa kani man ko ka kabu ya ki warep kiwa psan sniang wow pynku ya ka lap yong ki.
Chooh chooh da pyntip u wa ka sorkar da mang ko wow booh bhah ya ka poisa wa T. 10 klur wow e yarap cha ki warep wow chim ram ki.
Heijooh i por da ong u leh wa ka sorkar da sdang ko ya ka SMART Village Project wei wa daw yasoi ya ka soskular MoU wa ka University of Berkley, California wow pynman ya ki Smart Villages hapoh ka jylla heiwa da mang wow pynlut hadooh T. 11 Klur neibynta ini.
Discussion about this post