15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

T. 1,66,026 Klur u pynlut poisa ka sorkar pyrdi hapoh ka thaañ mihsngi yow chna sarok: Nitin Gadkari

0 Comments

Shillong: Hadien wa chong yalang wow booddien ya i kreh ya ki sarokbah namo ki National Highway ha ki jylla ka thaaiñ mihsngi chirup wa ki montri rangbah ki jylla, ki sahep a tnat sorkar pyrdi wa ki sahep ki sorkar jylla ha Shillong, u montri ka sorkar pyrdi wa pait ya ka Road Transport and Highways, Shipping, Water Resources, River Development and Ganga Rejuvenation, u Nitin Gadkari da ong u wa da chim ya ka rai wow kheiñkor (Highest Priority) wow pynmiat ya ki sarok ki luti syngkieñ ha ka thaaiñ mihsngi.

Ka National Highways and Infrastructure Development Corporation Limited (NHIDCL) toh ka company wa pait yeini i pynkreh sarok ha ki jylla ka thaaiñ mihsngi ya kawa da seiñ da ka sorkar pyrdi.

“Waroh ki kreh ha thaaiñ mihsngi (NER) hapoh NHIDCL, hei lut wa man T. 1,66,026 Klur, ki kreh ha ka thaaiñ hapoh ki PWD ki jylla man i T. 17,257 Klur wei ka NHAI da pyndep ko yei kreh ha ki sarokbah wa jrong 850 Km hei lut kamwa T. 7000 klur hapoh ka thaaiñ, hapoh Meghalaya ka NHAI da pynkreh ko ya kawi ka project (wa– 62 Km) hei lut kamwa T. 536 Klur wei da mang wow pyndep hapoh u Naichiphaw 2018,” da ong u Gadkari.

Da pynchlur u ya ki sorkar jylla wow pynemkaam da ki bus wa pynemkaam da ka Ethanol Engine heiwa i bai lai bai wan daw hiar i hadooh 50%, daw pynduna i yei tdem, wei ye i leh wow man kam wow e khih neibhah ya i phniang Methanol ye u chna na ki chken. Da pynchlur u leh wow pynkylla yei rukom kit bru namo deiwa pynemkaam ya ki kari bordiñ deiwa chna Ropeway wa ki Cable Car.

Previous
Next

0 Comments

Leave a Reply