15 49.0138 8.38624 1 0 4000 1 https://wyrta.com 300 0
Advertisement ad1

T. 20 klur tam sah ka bhah yong ka JHADC ha ka sorkar

0 Comments

Shillong : Ka sorkar jylla ym pu em pyllait ko hadooh T.57,00,34,755 klur cha ki le tylli ki District Council wa em hapoh ka jylla wa kynthup ya ka KHADC, JHADC wa ka GHADC.

Kani ka poisa toh ka wow su ka sorkar cha ki District Council kam chibynta ka Royalty wa mih na ki mar pohkhyndaw kam u mooyong wa u moochuni kiwa haap hapoh ka kyrdan Major Minerals.

U Montri ka tnat District Council Affairs u Prestone Tynsong da pyntip u yeini ha yung Dorbar hadien wa kylli u MLA ka Mawsynram u Pynshngain Syiem.

U montri ka tnat District Council Affairs da ong u wa neibynta ki Minor Mineral kam ki chyiap, ki mooria da dep su lut cha ki District Council.

Da ong u wa ka poisa wa toh bhah yong ka JHADC man ko T. 20,57,88,586 ka KHADC dang sah sa T. 36,42,46,169 tangwa yong ka GHADC da dep pyllait lut kawa T. 64,97,185.

U Pynshngain da pynbad u ya u Montri wym em pynkhreh bha u ya ki kot ki sla yong oo neibhah ka sorkar dang sah ko hadooh T. 130 Klur ki wym ym pu em u e cha ki District Council.

Kamtæ da maham u wow lai cha ka yung bichaar hei yatoh wa ini yow pyllait noh ya ka poisa wei da pynbad u leh wa ka sorkar ieh khonswet ko ya ki District Council wei ym em bood ko katkam ka riti synchaar ka ri.

U Montri da jubab u deiwa ong wa lada u Pynshngain ym hun u yeini ym em wa khang ya oo u lai u cha ki yung bichaar wei ka sorkar ym jooh em ieh beiñ ko ya ki District Council wei da yabhah ko ya ka poisa katkam riti synchaar ka ri.

Advertisement ad1

0 Comments

Leave a Reply