Ka All Jaiñtia Muster Roll Workers & Labour Union, Jowai, hadien i lai e yarap da ki marbaam cha ki spah tylli ki manyung kiwa dooh wa kyrdooh ha kiwa boon ki chnong kiwa haap ha West Jaiñtia Hills District ryngkat wa i ya krehlang waka Shiv Mandir Committee, Jowai ha ki bnai wa da dep wa da hap ki bru wow chong khop ha yung neidaw u khñiang COVID-19.
Ha kani ka kynti, kam chibynta wow ya ksohktilang hajrong i khut u montri rangbah ka jylla u Conrad K Sangma Chief Minister, da lai e yarap ka Labour Union cha ka Chief Minister’s Relief Fund (CMRF) for COVID-19.
Ya ini da leh ynne ka sngi 19 tarik heiwa da e yarap T. 20,000 lyngba ka Cheque ha kti u Garod LNS Dykes u Deputy Commissioner ka West Jaiñtia Hills District.
Ha i yahkhmat da u KL Pariat u President ka Union wei da e kti yaka Cheque da ka M. Bareh General Secretary, hei emlang ka L. Kyndiah, Treasurer waka B. Dhar, General Secretary ka seiñ ka chnat East Jaiñtia Hills District.
Kani ka poisa da kynchew lang da ki wakreh Muster Roll wa ki wakreh Mid Day Meal ka ri-loom Jaiñtia.
Discussion about this post