Ki paidbah wa im jakpoh na i pynlai truck da ood ki neidaw i rukom pynlai ya ki truck kit mooyong cha Bangladesh lyngba ka Dawki.
Kini kiwa pynlai truck da ong ki wa hajrong wa thied sy’at ki ya ki chalan ha i dor wa T. 80,000 hadooh T. 85,000 da su ki sa ya ka bai Entry kawa T. 8,500 ya kawa da pyntip ki wa ha kini ki sngi wow wan daw pynku noh cha ka T. 25,000 chi truck heiwa da phylla ki wa kani ka bai Entry cheiwon u lai ko.
Kamtæ ki tre truck wa kiwa yah truck da pyrchah joor ki ya ini i rukom leh da ki bru wa em hei bor, deiwa kyrpaad ya kiwa toh u pait yeini wow chah u pynlai kamwa da leh ha ki por nachwa.
Heijooh i por wa pyntip leh wa neiliang kiwa pynlai truck kamjooh kiwa yah truck da pyrchah ki lada pynku ya kani ka bai Entry cha ka T. 25,000.
