Shillong: U Montri wa pait ya ka chnat Food and Civil Supply, u James K Sangma da ong u wa ka sorkar jylla da pynkhreh ko wow pyndap ya i emkaam baam ki paidbah, wei neiliang u Montri Rangbah ka jylla ynne ka sngi da mang u T. 26.38 klur wow pynbiang khoo 1,17,278 Quintal neibynta 2 bnai wow yoh na ka FCI lyngba ka Open Market Sales Scheme (Domestic).
Ya uni u khoo toh u kit na kudam FCI wei u pynlai da ki Deputy Commissioner wow pynbiang won cha yaw.
U Montri da pyntip u leh wa ka sorkar jylla da yaklam ko wa ka NAFED kawa haap hapoh ka Ministry of Consumers Affairs and Public Distribution wow yoh 5,553.64 Quintal u dai neibynta wow saam cha ki bru wa dooh katkam ka TPDS deiwa e mynkna 1 Kilo neibynta 3 bnai.
U James da pyntip u wa i yaklam wa ki Deputy Commissioner ynnin ka sngi da phah leh wow pynkrehkaam ya ki 2 tylli ki Scheme wa da pynbna da ka sorkar India, kitæ ka Pradhan Mantri Garib Kalyan Anna Yojana, lyngba kane ka Scheme ki paidbah wa haap hapoh ka National Food Security Act (NFSA) daw yoh tam ki ya u khoo rachon mar 5 Kg khlem emkaam wow su neiynta 3 bnai wow kynthup ya u April, May, June. Kawi won ka Scheme toh lyngba ka Pradhan Mantri Ujjwala Yojana, heiwa ki paidbah daw yoh mynkna ki ya kawi ka tadong chet neibynta 3 bnai.
Heijooh i por da ong u wa ka sorkar da yaleh ko wow pynbiang ya i emkaam ki paidbah ha ini i por wei katwa dang pteiñ i yakhun wow yada na ka khlam u COVID-19, deiwa pynrap wa neibynta u khoo rachon yong u Naitung (April) lyngba ka Public Distribution System (PDS) dadep pynpoi cha ki thaw saam ha waroh ki District, wei neibynta u Naisan wa Naiynru daw pynpoi smat noh wow pyntikna wa ki paidbah kiwa toh u yoh ym chem chitom ki næ duna mar baam ki.
Ha iwi won i liang u James da ong u leh wa ka sorkar da pynkup bor ko leh ha ki DC wow pynbiang ya ki mar baam ha ki yaw, deiwa e ya ki Curfew Pass cha kiwa khayi khnang wow ye ki u wanrah ya ki mar na jylla Assam wow pynlait na i duna mar baam ha ka jylla.
Discussion about this post