Ynne ka sngi u montri ka chnat i chait i khiah ka jylla, u AL Hek da pyntip u wa ka sorkar jylla hapoh i yahkhmat u montri rangbah ka jylla, u Conrad Sangma da chim ram ko T. 358 klur na ka World Bank.
U Hek da pynrap u deiwa ong wa dei mynsien wa sñiawkhia wow pynkhlan wow pynjanai ya i rukom chakri ka chnat i chait i khiah da chim ya kani ka ram.
Ki kreh na kani ka ram u kynthup i ya i pynkhlan ya ki bor ki wakreh, ki yung sumar wa kiwi kiwi ki kaam wa yatoh wa i pynjanai ha i chait i khiah.
Da pyntip u leh wa na kani ka poisa, kamwa T. 75 klur da yoh kam ka bynta wa nyngkong namo ka First Instalment.
Yeini waroh da pyntip u heipor wa lai sylli ya ki thaw sumar wa em hapoh ka Amlarem Sub-Division chirup wa u montri ki kaam pohyung ka jylla uwa man leh u MLA ka thaaiñ, u Lahkmen Rymbui.