Jowai: Ynne ka sngi u Innocent Shadap da wan wai u ya ka 3rd Invitation Football Tournament ha larnai kawa da pyllai da ka Lurshai Larnai Club hei emlang u Waheh Chnong ka Larnai wa ki waheh wasian ka chnong.
I thmu wa pynman ya kani ka lympung toh wow pynmih poisa neibynta wow warap ya ki khon ka chnong kiwa mad namo wa chem ya i jia wa sñiawsih kam i yap bru hapoh ka chnong.
Ha kani ka lympung da em hadooh kamwa 28 tylli ki dhab wan yachim bynta heiwa ka yalehke toh da ka Knockout, wei kiwa jop u yoh ki T 40,000 kiwa wan wa ar won T. 20,000.
Ka yalehke ynne ka sngi da man ko hapyrdi ka Sohphoh SC pyrchah ya ka Thadmusem SC heiwa ka Sohphoh SC da jop ko da 1-0.
Discussion about this post