Shillong: U Deputy Commissioner ka East Khasi Hills da pyntip u wa neidaw wa ym ye u bood ya ki aiñ hei yatoh wow pyllang kamjooh wow noh jhep da wanrah ko ya kiwa boon i eh i khoo ya ka sor Shillong iwa da ktah ko ya ka imlang sahlang ha ka sor Shillong.
Da ong u wa emkaam i krehlang ki paidbah yow lait ki luti syngkeiñ, ki luti lai kjat, ki kari kamai ka sorkar, ki thaw pynyeiñ kari, ki thaw puræ, ki yaaw ki hat wa ki yungkrehkaam ka sorkar wow lait na i chah tymmoh ha i jhep.
Kamtæ u DC da baan joor u yei emkaam u man i pyllang jhep wa i noh jhep iwa katkam ka aiñ deiwa yabhah yei jep pyn ha yung na dukan wa kiwi ki thaw wa mih jhep wei ym hoi u noh kat cha wa yoh.
Hei yatoh wa ini da pynkrehkaam da i kyndon ka aiñ Meghalaya Police Act, 2010 U/S 102 yow kem ya kiwa noh jhep kat cha wa yoh wei u pyndaiñ kuna T. 5000 ka yung bichaar. Ki bru wa chem wa leh pyrchah ya ini u rah ya ki cha kiwa jan dooh ki thanat.
Da ong u leh waka High Court ka Meghalaya da chong pyrkhat ko yei khooid i jngiar ka sor Shillong kamtæ da kyntu ya waroh ki tnat sorkar ki seiñbhalang wa ki paidbah wow chimkhia ki u wanrah biang yei burom wa rim ka Shillong kam ka chnong wa khooid wa suba.
Discussion about this post