U Montri Rangbah ka jylla, u Conrad K Sangma ynne da saam u ya ki Cheque cha ki 77 tylli ki Producer Group namo ki seiñ ki warep hapoh ka Scheme FOCUS heiwa da yoh myntoi ki 1000 ngut ki warep ha ka yalang wa pynman ha St Peter’s Hall, Pyngdengrei, Nongstoin hei emlang u MLA ka Nongstoin, u Macmillan Byrsat wa kiwi ki sahep ka District.
U Conrad hawa e yei klam da ong u wa nei wan ka khlam COVID-19, ki paidbah da chem chitom bha ki wei neiliang ka sorkar da sdang ko ya ka FOCUS wow yarap poisa ya ki warep.
Da pyntip u leh wa 77 tylli ki Producer Group u yoh yarap ki na ka FOCUS ha i lut wa T. 71, 85,000.
Chooh chooh da pyntip u ya kiwi ki kreh wa da sdang ka sorkar neibynta ki warep heiwa hapoh ka FOCUS, ha West Khasi Hills samen da yoh myntoi ki 113 tylli ki Producer Group wa da poi cha 1876 tylli ki manyung wei da saam T. 93.80 lak hadooh katni.
Ha kani ka sngi u Conrad da yachem u leh ya ki warep wa kiwi kiwi.
