Jowai: U montri rangbah ka jylla, u Conrad Sangma chirup wa ki montri yong oo kiwa kynthup ya u Kyrmen Shylla wa u Lahkmen Rymbai hawa yaklam wa kiwa pathai khubor, da ong u wa iwa kongsan tam wa ka sorkar emkaam wow kreh ko hapoh East Jaiñtia Hills toh ki sarok.
Da pyntip u wa ha ka yalang wa pynman hapyrdi ka sorkar jylla wa ka NHIDCL (National Highways and Infrastructure Development Corporation Ltd.) da mang ko T. 8,000 klur neibynta u chna sarok ha jylla Meghalaya hapoh kini ki ar le snem.
Lait na ki sarok, emkaam leh u kreh ya i stat i tip neibhah wa hapoh East Jaiñtia Hills duna bha ki Higher Secondary School wei ka sorkar kwah ko wow booh da ki Policy krehkaam kiwa biang.
Discussion about this post