Ki pulit ka East Khasi Hills da sdang ki yei takit heiyatoh i chah pynbaad uwi u khynroo ha Shillong ha ki rynsan Social Media hanla ym em kawon kawon ka ujor pyrchah ya oo.
Uni u bru wa tip kam u Jonathan Lalhmingthanga Pachuau da chah pynpoor ki dur wa kiwi ki Screenshot ha uwi u bru uwa kam wa u Jonathan toh uwa lai puræ ha St. Edmund’s College, Shillong wei dadep u wow slaitbor ya 8 ngut ki kynthai wei ye leh u boon yeini.
Da kam leh wa uni u bru da maham u ya kini ki kynthai wow pynpoor ya ki Video yong ki lada nood ki wow ujor pyrchah ya oo.
Chooh chooh da kam wa uni toh u khon u Pastor wei da lait u nei kti ki pulit neidaw wa kawa emyatoh u toh ka Lawyer.
Da em leh i dur u Jonathan wa chondur u deilang wa iwi i Sonogram wa leh Ultrasound wa kam u wa da punkhon kawi na ka kynthai wa slaitbor u.
Neiliang u SP ka East Khasi Hills, u Vivek Syiem da ong u wa ki pulit da tip ki yeini wa poor ini ha ki Social Media tangwa ka kynthai won ym bien ko wow booh FIR.
Hanla kattæ leh, u SP da ong u wa da takit ki yeini.
Discussion about this post