Takit sa ki pulit ka Ri-Bhoi ya u Bless Dkhar hajrong ki kaam khrong poisa pyrchah aiñ

Hadien i chah kem ha ki pulit ka East Khasi Hills ha ka 31 tarik u Naichiphaw, ki pulit ka Ri-Bhoi District da chimlang ki ya laad wow takit ya uwa yahkhmat warim ka seiñ Hynniewtrep National Youth Front (HNYF), u Bless Dkhar uwa da chah pynbaad wa khrong poisa pyrchah yaka aiñ na ki truck wa kit mar kiwa lai na ka yingkieñ Damsite, Umiam.

Ki pulit ka Ri-Bhoi District leh da Register ki da ka Suo-Moto Case pyrchah ya u Bless Dkhar, President warim ka HNYF-East Khasi Hills, uwa da chah kem ha ki pulit ka East Khasi Hills ha ka miet yong ka 31 tarik na ka thaaiñ Pohkseh, Shillong.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Ya u Bless da kem da ki pulit ka Laitumkhrah Police Station kiwa da Register leh da ka Suo-Moto Case pyrchah yei khrong poisa pyrchah aiñ na ki Truck hadien i mih khubor ya ki kaam wym man wa da leh u.

Neiliang u Superintendent of Police ka Ri-Bhoi, u Giri Prasad da pyntikna u ya ini i chim Case ha Ri-Bhoi, heiwa da pyntip leh wa hadooh katni ym pu em wa wan chakhmat wow ujor pyrchah yei khrong poisa uni u bru, tangwa ki pulit da chimkhia ya kiyi ki kaam wa da leh u wei daw pynman ki ya ka takit kawa bniah.