Takor u Saleng ya ka CM Guidebook wa pynpass ya ki khynnah wa khlem lai skur

U MP ka Tura u Saleng A Sangma da takor u ya ka CM Guidebook deiwa ong wa daw pynjæd ko ya i puræ puthi ki khynnah ka jylla ha ki por wow wan.

Da ong u wa wot ki wym jooh lai skur leh ha kani ka kynti da pass ki thij ya ka SSLC neidaw ka CM Guidebook wei ini booh i hei maa ya ka mynried i puræ puthi weiwa i leh ka sorkar toh i leh kutlaad donhi wow pynyoo-rong chawi, tangwa ni daw ktah bha ya ka jylla waroh kawi.

Chooh chooh da ong u wa ki manbei manpa phah skur ki ya ki khon wow nang u stat u tip ki, wow tip yei akor burom tangwa kani ka CM Guidebook kawa da em chwa ki jubab pynyooo ko wa kopsar ki khynnah ym emkaam de ki wow lai skur wei ym emkaam de ki u puræ ya ka kot.

U Saleng da pynrap u deiwa ong wa ki khynnah kammon u pyrkhat ki ya ki kot puræ hawa da yoh lut ki ya ki jubab na ka CM Guidebook wei u pass donhi ki deiwa suk, wei iyi won de u myntoi wow lai skur ki hawa wot ki wym lai skur leh pass SSLC ki thij thij ha uni u snem.

Related posts

Daw pynlait ya ki Form Class XI (Commerce) ka Government Boys’ HSS, Jowai

May 5, 2025

Mih pyrtuid ka North Liberty wa Govt. Girls’ Jowai ha ka thup Top 10 ka HSSLC 2025

May 5, 2025

Heijooh i por u Saleng da ong u wa daw man lakam wa pynman broo ya ki khynnah neibhah wa manda lai yakhun exam ki cha baar jylla daw chem ki ki chiboon i eh.

Da pynkut u deiwa ong wa i pass bha ki khynnah ha ka Exam (SSLC) ym mut i wa pass bha ki ha i puræ puthi.