Khliehriat: Kam chibynta yong ka lehkmen “MATRU Vandana Saptah” hapoh ka Pradhan Mantri Matru Vandana Yojana (PMMVY), ka yungkrehkaam District Health Medical Officer East Jaiñtia Hills da pynman ko ya ka programme ynne ka sngi ha Community Hall Khliehriat West.
Ka thong yong kani ka programme toh “Towards building a healthy nation, Surkashit Janani Viksit Dharini”.
U F.M. Dopth, Deputy Commissioner, ka District, da man u kam u kongsan hei emlang u District Health Medical Officer u Dr. J. Lakiang, Dr. F.A Lamin, I/C Pamra- Paithlu CHC Cum Block Nodal Officer PMMVY, Khliehriat Block, Dr. (Mrs) Ritreki Toi I/c Sutnga CHC Cum Block Nodal Officer PMMVY, Saipung Block, Dr.(Mrs) N.P. Suchiang, Medical Officer, I/C Khliehriat CHC, Dr. Evareen Lisa Kharmutee, Senior Medical & Health Officer, wa ki wakreh Anganwadi, ASHA wa ki Auxiliary Nursing Midwifery (ANM).
U F.M. Dopth, da ong u wa ki kynthai toh u sumaar bha ki khamtam heipor wa pun-khon wei kiwa kreh ha kani ka bynta kam ki Anganwadi, ASHA wa ki ANM toh ki chrot ka chnat i chait i khiah ki wow pait wa ki kynthai wa ki khynnah toh u man ki kiwa khlan.
Da ong u leh em le tylli ki chrot yong i roi kiwa kynthup ya i chait i khiah, i khooid i jngiar wa stat i tip wei kini emkaam bha u pait ya ki khnang wow ku ka District ha waroh ki liang.
Da ong u leh wa kani ka sngi man ko ka sngi wow pynkup burom ya kiwa neibynta i khih chitom yong ki wei i chakri wa da e ya ki paidbah.
Ha kani ka sngi ka Dr. Ritreki Toi I/C Sutnga CHC da batai ko hajrong ka Pradhan Mantri Matru Vandana Yojana (PMMVY), da ong ko wa kani ka scheme toh neibynta wow e yarap ya kiwa pun-khon kam i e yarap poisa ha ki bynta wa kiwi kiwi.
Da pyntip ko leh wa ka East Jaiñtia Hills District toh kawa boon dooh kiwa pynpsiah pyrtuid hapoh ka Pradhan Mantri Matru Vandana Yojana (PMMVY) heiwa da em kiwa da psiah hadooh 83%. Da ekhublei ko leh ya ki wakreh hajrong ini waroh.
Kiwi kiwa da klam ha kani ka sngi toh u Dr. F.A Lamin, I/C Pamra- Paithlu CHC, u Shiningstar Rymbai, District Coordinator, ICDS wa kiwi kiwi.
Ha kani ka sngi da e leh ya ka Best Performing Officials & FFs cha u Dr. F.A Lamin, I/C Pamra- Paithlu CHC wa ka Dr. N.P. Suchiang, M&HO, I/C Khliehriat CHC, ka Khliehriat Block toh ka Best Performing Block wa ka Best Performing Facility Centre da e cha ka Sutnga CHC, Pamra–Paithlu PHC wa ka Jalaphet Sub-Centre. Ya i naam Best Performing Field Functionary da e ya ka Nidawan Shyrmang, ka Wianda Talang wa ka Memcy Mebarijai Nongrum, ANM wa ka Baluilui Biam, ka Theimon Syih, wa ka Remiss Shylla na ka ASHA.
Ya kani ka yalang da pynlai da u P. Mukhim uwa da e leh ya ki kyntien ekhublei.
Discussion about this post