Thadlaskein Football League: Psiah Quarter sa ka Niriang wa ka Malngiang

Ka Thadlaskein Football League 2024 wa pynman da ka Thadlaskein Sports Association (TSA) ha Wahiajer Multi Sports Complex, da pteiñ ya ka ynne deiwa pynman sa ar tylli ki yalehke Pre-Quarter wa khaddooh.

Ha ka yalehke wa nyngkong, ka Niriang SC da jop ko ya ka Dongmihsngi deiwa yachut Tie-Breaker da 4-3 hadien wa da kut i por khlem em wa yoh u thap kool.

Ha ka yalehke wa ar, ka Malngiang SC da jop ko ya ka The A Team da 2-1 heiwa ya ka Malngiang da yoh thap da u Firstborn Suting ha ka minit wa 24 wa u Emio Suting ha ka minit wa 29 katwa ya ka The A Team da yoh u thap da u Bornlywell Lamare ha ka minit wa 40.

Ka yakhun Quater Final wa nyngkong u man ko ha ka 17-03-25 heipor 12:00 waje pyrdi sngi hapyrdi ka Sophoh wa Heiboriong I FC wei daw pynbood heipor 2:00 waje da ka Nongkhroh Rim wa ka Grounded FC.