Jowai: Ka seiñ Hynniewtrep Achick National Movement (HANM) ynne ka sngi kam ka dak pyrchah iong ka seiñ ia ka Ordinance wa ka Draft Bill iong ka sorkar, ynne ka sngi da thang ko ia i dur bula iong u Dr Mukul Sangma Chief Minister ka jylla Meghalaya ha Iawmusiang Jowai ha khmat ka PS Jowai, ha thaw yein bus ka MTC.
Ha kani ka sngi u D.S. Dkhar Secretary ka seiñ hadien wada dep thang ia katai ka dur bula iong u Mukul deilang wa ka jingthoh “No Ordinance No Draft Bill”, da ong u wa kani ka leh iong ka seiñ man ko ka dak pyrchah ia kini ki Bill kiwa ktah joor bha ia ka jaitbru iong ka Bri u Hynniawtrep Hynniawskum. Da ong chooh chooh u leh wa emkaam du ia ki Bill kiwa da phah da ki ar tylli ki District Council KHADC waka JHADC kiwa dang sah kut ha ka kti iong u Lat ka jylla hadooh katni.
Neibhah nadooh ki por mynchwa ka synshar tre ri da ksoh da ka District Council kat kam ki kyndon aiñ iong ka Sixth Schedule ka ri India.
Ini i leh ka seiñ man ko kam ka dak u dawa joor naka sorkar yow pyndam noh chisyndon ia ka Ordinace wa ka Draft Bill. Ka seiñ kwah ko wa ka sorkar u pynbor ko ia u Lat ka jylla yow pynman aiñ noh ia ki Bills wa da phah da ki ar tylli ki District Council kitæ toh ka Village Administrative Bill iong ka KHADC wa ka The Jaintia Hills Autonomous District Council Establishment of Power and Function of Waheh Shnong & Dolloi.
Discussion about this post