Ka Hynñiewtrep Youth’s Council (HYC) ynne da thang ko yei dur bula u National Secretary warim ka BJP, u Sunil Deodhar ha lait i yung krehkaam ka BJP ha Shillong wow beiñ yei klam u iwa da ktah yei sñiaw ki Christan hapoh ka jylla.
U President ka seiñ, u Roykupar Synrem da ong u wa i klam u Sunil Deodhar toh i e bih wow phiah yei yatylli wei chongsuk ki niam waphær waphær ha Meghalaya.
U Roykupar da beiñ u yei klam u Sunil iwa khlem em i bahkhlieh wei iwa yah bakla iwa wanrah yei sñiaw yaphær niam.
Da ong u wa i klam u Sunil wa chah lehbeiñ ki Niamtre ki Niam Khasi man iwa thok wei iwa ye u wanrah yei kynaad hapyrdi ki niam.
Chooh chooh u Roykupar da ong u wa ki Niamtre ki Niam Khasi toh ki bynta ka Meghalaya wei wow ong wa chah thombor ki man iwa bakla.
Ka seiñ da dawa ko na u Sunil Deodhar wow paan maap u wei wow pyndam yeiwa da klam u.
Da kyntu leh ya ki heh ka RSS wa BJP wow ksoh ya kiwa yahkhmat neibhah ka Meghalaya ym em man ko kam ka Laboratory.
Discussion about this post