Kam chibynta wow pteiñ yei yaleh thma pyrchah yei drugs, neiliang u Montri Rangbah, u Conrad K Sangma ynne da yahkhmat u ya ka High Level & District Level Drug Disposal Committee ka Meghalaya Police yow lai thang ya ki jait drugs wa boon jait kiwa chongdor Rs. 53.86 klur ha tyndur ka karkhana ka Star Cement wa em ha Lumshnong, East Jaiñtia Hills District.
Da ya emlang ha kani ka sngi wa ki Symbood Montri Rangbah, u Prestone Tynsong wa u Snaiwbhalang Dhar, ka Montri i chait i khiah, ka Ampareen Lyngdoh, ka MLA ka thaaiñ, ka Santa Mary Shylla, ka DGP ka I. Nongrang deilang ki SP ki District wa kiwi de.
U Conrad hawa e yei klam da ong u wa ka sorkar jylla u kreh wei da raikut ko wow pyndooh jait yei drugs iwa da ktah ya ka mynried yong ki khynroo kiwa boon.
Da ong u leh wa ka sorkar lyngba ka Drug Reduction, Elimination & Action Mission (DREAM) u e kyrchaan ko ya kitu ki khynroo kawa yaleh wow lait nei kynjri wa chah kdoh chah khoom hei drugs.
Kini ki drugs wa da thang toh kiwa dadep wow bichaar haap hapoh ka aiñ NDPS ha ki 5 tylli ki District kitæ ka East Khasi Hills, West Khasi Hills, Ri Bhoi, West Jaiñtia Hills wa East Jaiñtia Hills District.
Discussion about this post