Jowai: Ka ABVP Jowai Unit ynnin ka janmiet da pynman ko ya ka thang mombati kam chibynta wow kynmoo warom ya ki chipai CRPF kiwa 40 ngut kiwa da dooh yei mynsien hei pdung bom ha Pulwama, Jammu & Kashmir.
Ya kani ka thang mombati da pynman ha madan ka Kiang Nangbah Government College heiwa da emlang leh ki pulit ka Traffic Branch, Jowai deilang wa ki dkhot ka ABVP.
Ka ABVP State Secretary ka Darilin Tang da ong ko wa ka ABVP yeiñlang ko deilang waka ri kamjooh wa kiwa hayung hasem ki CRPF kiwa da khlaad wei da dawa leh wa ka sorkar toh u pynchitom ko ya kiwa emkti ha kani ka kaam.
Discussion about this post