Ka Dorbar Chnong Mukhla Nongrim, West Jaiñtia Hills District deiwa ya krehlang wa ka Block Labour Office, Thadlaskein wa ka Common Service Centre, Mukhla da pynman ki ya ka yalang wow pynpsiah pyrtuid ya ki wakreh mylla sngi, kam kiwa yah kari, ki wakreh Job Card wa kiwi kiwi de ha yung Dorbar ka chnong Mukhla Nongrim ynne ka sngi.
Hachwa wow sdang yei pynpsiah pyrtuid ya ki wakreh mylla sngi, da em chwa ka yalang wow batai bniah chaphang ka Scheme e-Shram, kawa pynlai da u Standbyme Sari, General Secretary Dorbar Chnong Mukhla Nongrim wei da yoh leh yei klam na u Buhlut Suna, Waheh Chnong Mukhla Nongrim.
Da yoh leh yei batai pynche bniah na u B. Sohklet, Inspector Labour Department wa pait ya ka Thadlaskein Block wa kamjooh leh da yoh yei klam na u Khroo Lamsalanki Pariat, uwa man leh u President yong ka All Jaiñtia Muster Roll Workers & Labour Union wei da yoh leh i batai pynche na ka A. Pariat kawa man kam ka District Manager yong ka CSC Laskein wa Amlarem Block.
Ha kani ka sngi da wan wow chimbynta da ki waheh wa ki manbei wow pynpsiah pyrtuid ya idæ hapoha ka e-SHRAM.
