15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Thied bordiñ u CMD ka MeECL naka Company u Adviser u hei dor wa syad yow lait nei pyndooh bordiñ

Advertisement ad1
Advertisement ad1
Advertisement ad1

Ka Coordination Committee of Registered MeECL (Employees) Association & Unions (CCORMAU), da pynbaad ko wa u Chairman -Cum-Managing Director (CMD) ka Meghalaya Energy Corporation Limited (MeECL) da thung u ya u Manish Gupta kam u Adviser ya u CMD neibynta chi snem khlem dei su, tangwa iwa pynlyngngoh toh wa u Manish Gupta man u leh u Assistant Manager yong ka Arunachal Pradesh Power Corporation Private Limited, iwa mut wa oo toh uwa khayi bordiñ, wei katni ka MeECL da thied ko ya i bordiñ na katai ka Company ha i dor wa syad yow pynlait na ka Load Shedding.

Ka Meghalaya Energy Corporation Limited (MeECL) ynnin ka sngi da pynbna ko wow pyndooh bordiñ ha ka jylla waroh kawi nadooh i por 12 waje i chiteiñ synyaw neidaw wa em i duna bordiñ iwa hadooh 2.1 MU (Million Units) neidaw wa em i thut yong kawi ka Unit yong ka OTPC Agartala, i duna pynmih bordiñ yong waroh ki NEEPCO Hydro Plants wa i duna um ha ki thaw pynmih bordiñ ka MePGCL.

Uwa yahkhmat ka CCORMAU, u Arju Dkhar da pyntip u wa neiliang u CMD ka MeECL da pynbna u wa ym em de ka Load Shedding nadooh mynstep ka sngi, wei ka chnat da hap ko wow thied ya i bordiñ ha i dor wa syad neibhah wa hap pyrkhat ya kiwa dang yaleh Exam kamjooh leh wa em ka Election ha Garo Hills.

Ha kawi won ka liang u Dkhar da pyntip u wa ki por nachwa jooh em ka Power Banking, wow e ya i bordiñ cha ki Company ha i por lyiur wa ka jylla Meghalaya ka pahooh ko wei ha ki por wa duna, ka jylla da yoh biang ko ya katai ka bordiñ khlem i su da ka poisa, tangwa nadooh u Kmaichonglad (Dec), 2020 da pynsangeh ya ka Power Banking wei ka jylla da hap ko wow thied ya i bordiñ ha i dor T.20 lak hadooh T.80 lak chi sngi, tangwa kattæ da hap wow thied na ka Arunachal Pradesh Power Corporation Private Limited ha i dor wa T.6 chi Unit wei ym duna T.1 khlur ha ka chi sngi i thied ya i bordiñ.

Share this:
Previous

5 ngut kiwa dang yoh wa 1 wa chait na u COVID-19 ha Meghalaya

Next

Chem chwa ka Engineer yei tooh bordiñ ka karkhana, pynhiar u CMD yaka kuna da chiteiñ