U khon yong u Mukesh Ambani, u Anant Ambani da sdang u wow lai kjat namo ma Padyatra na Jamnagar cha Dwarka chwa wow dap u 30 snem, wei hapyrdi i lai luti da sangeh u wow pynlait ya ki syiar wa da kit da ka kawi ka kari Tempo.
La 5 sngi kattu, u Anant Ambani da lai kjat u 10-12 Km man i miet hapyrdi i em ki pulit wa boon wow lai cha Mandir Dwakadhish ha Dwarka wow paan yei kyrkhu chwa ka sngikha u ha ka 10 tarik uni u bnai wei kani ka lai kjat u man ko 140 Km hadooh wow poi thaw u kawa da sdang u nadooh ka 28 tarik u Wisu (Mar) uni u snem.
Ha i Video wa da poor bha da yoo wa ksoh u ya kawi ka syiar hajan kawi ka kari Tempo wa kit ya kini ki syiar heiwa da phah u ya uwa bood yong oo wow pynlait ya kini ki syiar.
Da phah u leh wow su ya u tre ki syiar khnang wow ye u pynlait im ya ki yow psan ki ha Vantara kawa man kam ka thaw ri ya ki mrad wa yoh u pynlai kawa man leh kam ka Animal Rescue & Rehabilitation ki Ambani hi wa em ha Jamnagar.
Da em wa ong wa ya kini ki 250 tylli ki syiar da thied ki ar chah yei dor wa dai ki.
Tangwa kiwi da kylli ki wa neidaw hadooh ki khla leh da ri hapoh ka Vantara, dei yi ma-ai e baam ki ki?
Discussion about this post