Shillong: Ka Sorkar jylla daw pynman ko ya ka tamasa Cherry Blossom Festival nadooh ka 8 tarik uni u bnai, wei da yoh yutip wa ka sorkar daw pyllut ko hadooh T. 87 lak tang ya ka tnat khloo neibynta kani ka tamasa wa 4 sngi.
Kiwi ki tnat u pyllut poisa ki da ki lak neibynta kani ka tamasa kynthup ki ya ka tnat Sports, Tourism wa kiwi kiwi.
I pynman ya kani ka tamasa toh wow riñ ya kiwa uiñke suwari chapoh ka jylla, tangwa hanla kani ka tamasa u sdang ko nadooh ka 8 tarik, hadooh katni leh ympu yoo wa phooh kini ki syntu ha kini ki dieñ kamwa jooh man.
Hawa yaklam wa u sahep ka tnat khloo, u Aldos Mawlong da ong u wa ki syntu daw mih hi ki ha kini ki sngi neibhah wa ka tnat leh da kreh chitom ko wow sumaar ya kini ki dieñ wei yooluti wa daw mih ki chwa kani ka tamasa.
Discussion about this post