Jowai : Ha ka miet yong ka 9 tarik yong uni u bnai heipor kamwa 9:20 i miet da kynnoh wa ki arngut ki bru wa sah ha Ladthadlaboh, Jowai ki wa tip pyrtuid kam u Damon Sutnga, u Sunday Pohleng wa ki lok yong ki da thmu ki u tynyap ya u ma Lasinme Syad u wa sah ha Caroline Colony, Ladthadlaboh.
Katkam ka ka ujor (FIR) wa da booh u ma Syad ha Jowai Police Station da kynnoh u wa kitai ki arngut da choh da bom ki ya oo deilang wa ki lok yong ki khlem iwon iwon i daw.
Da ong leh wa lait im u na ki kti ki tai ki bru deiwa wan yarap ki jan yung yong oo wa kiwa ha yung ha sem ki wa snaiw ya ini iwa da jia.
Hei ujor da kyrpad u kem ya kitai wa emkti neibhah em i ma wa khroo bha ya oo katwa dang yoh ki tai ki bru man kiwa laitlooid.
Neiliang ki pulit da dep booh ya ka case hapoh ki kyndon IPC Section 342/325/506.
Discussion about this post