Ka seiñ HITO da thoh ko cha u DMHO ka West Jaiñtia Hills District hajrong wym em leh iyi iyi leh wow khut thung kreh wa lait neibynta ki 17 tylli ki kaam ANM.
Da ong wa ha ka 06-08-20 da pynbna wa da khut yaleh kreh neibynta kini ki 17 tylli ki kreh ANM wa lait tangwa hadooh katni ym em leh iyi iyi khamtam ha kini ki por wa emkaam wa dang em ka khlam.
Heiyatoh wa ini da kyntu ya u DMHO wow pyndep smat ya ini i kaam neibhah wa kiwa chong chnong ka West Jaiñtia Hills da chem chitom ki wa duna bru wakreh ha ki CHC, PHC wa Sub-Centre.
Neiliang u DMHO da pyntip u wa i daw wa pynslem wow khut Interview toh neidaw wa ka chnat dang bichaar bniah ko ya ki kot ki sla kiwa yaleh kreh du yow man ANM tangwa kiwa yaleh kreh won toh kiwa da pyndep BSc wa MSc Nursing wei na ini i daw da chimpor wow khut Interview wei da kular u wow leh yeini ha ka tayaw wa nyngkong u Duiyatra (Jan) 2022.
Heijooh i por u DMHO da pynsñiaw u yei em chiboon ki duna ha ka chnat nadooh ki wakreh, ki Ambulance, ka um wa kiwi kiwi de kiwa emkaam ha waroh ki CHC, PHC wa Sub-Centre.
